Mirzo Ulug‘bek nomidagi Samarqand davlat texnika universitetida O‘zbekiston Respublikasi Prezidentining 2024-yil 18-yanvardagi farmoni ijrosi doirasida bitiruvchi talabalar bilan uchrashuv tashkil etildi.
Tadbirda Kadastr agentligi va oliy ta’lim muassasalari o‘rtasidagi hamkorlikni mustahkamlash hamda yuqori malakali kadrlar tayyorlash sifatini oshirish masalalari muhokama qilindi.
Uchrashuvda universitetning “Geodeziya, kartografiya va kadastr” va “Kadastr” ta’lim yo‘nalishlari bo‘yicha bitiruvchi bosqich talabalari ishtirok etdi. Davlat kadastrlari palatasi Samarqand viloyat boshqarmasi boshlig‘i Ravshan Xotamov kadastr sohasi va Samarqand viloyati bo‘yicha mavjud ish o‘rinlari haqida batafsil ma’lumot berdi.
Shuningdek, bitiruvchi talabalarni ishga qabul qilish masalasida boshqarma vakillari va talabalarning ochiq muloqoti tashkil etildi. Mazkur uchrashuv kadastr sohasida yetuk mutaxassislar tayyorlash va yosh kadrlarning bandligini ta’minlashga xizmat qilishi kutilmoqda.
