Mirzo Ulug‘bek nomidagi Samarqand davlat texnika universitetida 2025-yil 17-sentyabr kuni ekologik muammolar yechimiga bag‘ishlangan innovatsion ishlanmalar va loyihalar tanlovi bo‘lib o‘tadi.
Tanlovda 18–35 yosh oralig‘idagi talabalar, magistrlar va doktorantlar qatnashishi mumkin; har bir ishtirokchi yoki jamoa faqat bitta loyiha bilan qatnashadi, jamoalar esa 2–3 kishidan iborat bo‘lib, ixtisoslashgan yo‘nalishlarda bilim va tajribaga ega talabalar ishtirok etishi mumkin.
Tanlov yo‘nalishlari: atrof-muhitni muhofaza qilish va chiqindilarni qayta ishlash; qayta tiklanuvchi energiya manbalari; innovatsion ekologik texnologiyalar va qurilmalar.
Loyihalarga qo‘yiladigan talablar: ekologik muammoni hal qilishga qaratilgan bo‘lishi, texnik prototip yoki model taqdim etilishi, iqtisodiy samaradorlik va ekologik foydaga asoslangan bo‘lishi hamda resurslardan samarali foydalanish va energiya tejamkorlikni ta’minlashi lozim.
Mukofot jamg‘armasi: 1-o‘rin – 6 000 000 so‘m (respublika bosqichiga yo‘llanma bilan), 2-o‘rin – 4 000 000 so‘m, 3-o‘rin – 2 000 000 so‘m.
Tanlov 17-sentyabr kuni soat 10:00da SDTU Inkubatsiya markazida, Bosh bino 114-xonada bo‘lib o‘tadi.
