“Dolzarb 90 kun” dasturi doirasida Samarqand davlat texnika universiteti Qurilish fakulteti talabalari va professor-o‘qituvchilari O‘rta Zarafshon davlat qo‘riqxonasiga tashrif buyurishdi.
Ushbu tashrifdan asosiy maqsad — talabalarda ekologik ong va tabiatga hurmat hissini shakllantirish, sog‘lom turmush tarzini targ‘ib qilish va tabiiy boyliklarni asrash bo‘yicha amaliy bilim va ko‘nikmalarni mustahkamlashdan iborat bo‘ldi.
Sayohat davomida ishtirokchilar qo‘riqxona hududidagi noyob o‘simliklar, hayvonot dunyosi va betakror landshaftlar bilan yaqindan tanishib, ekotizimning tabiiy muvozanati haqida ma’lumotlarga ega bo‘lishdi.
