Mirzo Ulug‘bek nomidagi Samarqand davlat texnika universitetida yoshlarda ijodiy tafakkurni rivojlantirish va san’atga bo‘lgan qiziqishni oshirish maqsadida “Dolzarb 90 kun” dasturi doirasida navbatdagi loyiha amalga oshirildi.
“Rassom ustaxonasida mehmonda” nomli ushbu tadbir doirasida talabalar professional rassom ustaxonasiga tashrif buyurishdi. Tadbir davomida ular rassomlarning ish jarayoni, turli uslub va texnikalar, shuningdek, asarlarni yaratish bosqichlari bilan yaqindan tanishdilar.
